”လောကဧည့်သည်” သာဖြစ်ကြောင်း
ကျုံးကျုံးသည် ရန်ကုန်တွင် ၁နှစ်နဲ့၆လနီးပါးမျှ(၅လကျော်ကျော်)
နေထိုင်ခဲ့ပါသည်။ သူသည် မဟာရန်ကုန်မြို့ပြကြီးတွင်
နေထိုင်ခဲ့စဉ်တစ်လျောက်၊ သူ့မိဘများနေရပ်သို့ ပြန်သွားလိုစိတ်စိုးစဉ်းမျှ
မရှိခဲ့ချေ။ အကြောင်းမှာ ချုပ်နှောင်မှုတော်တော်များများမှ ကင်းလွတ်ခွင့်ရခဲ့သည့်အပြင် သူ့အိပ်မက်များကိုလည်းအနှောင်အဖွဲ့ကင်းမဲ့စွာမက်ခွင့်ရခဲ့သောကြောင့်ဖြစ်သည်။သို့သော် ရုန်းလို့မရသည့် ချုပ်နှောင်မှုတစ်ခုမှာရန်ကုန်တိုင်းဘယ်မြို့နယ်၊ ဘယ်ရပ်ကွက်၊ ဘယ်သူ့ပိုင်အိမ်မှာ (အဆောင်ဖြစ်ဖြစ်၊အမျိုးအိမ်ဖြစ်ဖြစ်) ဘဲဖြစ်ဖြစ် ဧည့်စာရင်းတိုင်ရခြင်းပင် ဖြစ်သည်။
ဥာဏ်မှီသလောက် ပြောရလျှင်မူဧည့်စာရင်းတိုင်ရမည်ဆိုသည့် အက်ဥပဒေကို ၁၉၀၀ပြည့်နှစ် နှစ်လည်ပိုင်းလောက် (၁၉၀၄-၁၉၀၆) တွင်အင်္ဂလိပ်များ ကြီးစိုးစဉ်ခါကသူပုန်ထကြွမှုများမရှိရလေအောင်ဆိုသည့် ရည်ရွယ်ချက်ဖြင့် ပြဋ္ဌာန်းခဲ့ကြခြင်း ဖြစ်သည်။
အထက်တွင်ရေးခဲ့သည့်အတိုင်း ကျုံးကျုံးဆိုသူတစ်ယောက်သည် အိမ်ပြန်ချင်စိတ်
စိုးစဉ်းမျှ မရှိသည့် တိုင်အောင် ကံကြမ္မအလှည့်အပြောင်းကြောင့်
အိမ်ပြန်ရမည့်ကိန်းစိုက်ရောက်လာခဲ့ချေပြီ။
အိမ်ပြန်ရောက်သည့် နောက်နေ့မှာပင် ရပ်ကွက်အုပ်ချုပ်ရေးရုံးသို့ ဧည့်စာရင်းသွားတိုင်ရပြန်ပါသည်။
ဘယ်လိုနည်းနဲ့ဘဲစဉ်းစား၊ စဉ်းစားအဖြေမထွက်ချေ။
မိဘအိမ်ပြန်လာသောသားတစ်ယောက် အတွက် ဧည့်စာရင်းသွားတိုင်ဖို့
ဘာကြောင့်လိုအပ်ချက် တစ်ခုဖြစ်နေတာလဲဆိုတာကိုပေါ့။
အမှန်အတိုင်းပြောရရင် ရပ်ကွက်အုပ်ချုပ်ရေးမှူးကစပြီး၊ နိုင်ငံတော် သမ္မတအထိကိုစိတ်ဆိုးလိုက် တယ်ဗျာ။
သူတို့ပြောပြချက်အရတော့ ”လုံခြုံရေး” အရပေါ့တဲ့။
စိတ်ထဲရှိတဲ့အတိုင်းပြောရရင် လုံခြုံရေးဆိုတာ ပြည်သူလူထုတွေ လူရော၊
စိတ်ထဲမှာပါ၊ အေးချမ်းလုံခြုံမှုရှိအောင် လုပ်ဆောင်ရမှ မှုတ်လား… ခုတော့
အများပြည်သူလုံခြုံမှုရရှိဖို့နေနေသာသာဟိုနားမှာဘာဖြစ်ပြန်ပြီ၊ ဒီနားမှာလုယက်သွားပြန်ပြီနဲ့ နေရာအနှံ့ ကြုံရ ကြားနေရတာနားထဲမဆံ့အောင်ပါပဲ။
ဧည့်စာရင်းတိုင်တာနဲ့ပဲ၊ မောင်ဖြူဟာရပ်ကွက်တွင်းလုံခြုံရေးကို နှောက်ယှက်မည့်သူမဟုတ်ကြောင်းဘယ်လိုသိနိုင်မလဲ။ လက်ပစ်ဗုံးကိုင်ပြီးဧည့်စာရင်းတိုင်မည့်သူတစ်ယောက်မှ မရှိဘဲနဲ့ ကိုး။
ထိုအဖြစ်အပျက်ကို ခြုံငုံသုံးသပ်ကြည့်လျှင်မူ ကျုံးကျုံးဆိုသူသည် မိမိကြီးပြင်ခဲ့ရာမိဘအိမ် ပြန်လာရာတွင်လည်းဧည့်သည်အဖြစ်လည်းကောင်း၊ သူ့အိပ်မက်များကိုအကောင်အထည်ဖော်ရန် အကောင်းဆုံးဖြစ်သည်ဆိုသည့်၊သူရွေးချယ်ထားသောရန်ကုန်မြို့တွင်လည်းဧည့်သည်အဖြစ်လည်းကောင်း၊ ပြည်ထောင်စုသမ္မတ မြန်မာနိုင်ငံတော်အစိုးရကအသိအမှတ်ပြုခြင်းခံနေရသူတစ်ဦး
ဖြစ်လာသည်။ ဆိုလိုရင်းမှာမိမိသည် ထိုနိုင်ငံသားဖြစ်ပါလျက်
(နိုင်ငံသားစိစစ်မှတ်ပုံတင် ကိုင်ဆောင် ထားပါလျက်)နဲ့ ဧည့်သည်သာ
ဖြစ်ကြောင်းကိုကောက်ချက်ချမိသည်။
နောက်ဆုံးတွင်မူမိမိကိုယ်ကို (စောဝင်းလွင်သီချင်းဖြင့် ပြောရသော်)
”လောကဧည့်သည်” သာဖြစ်ကြောင်းကိုတရားသဘောဖြင့် ဆင်ခြင်
သုံးသပ်မိကြောင်းပါခင်ဗျာ။
ထာဝရဧည့်သည် at The Republic of the Union of Myanmar
No comments:
Post a Comment